Irish traditional song lyrics — collected by Beer Belly Band.
Hey Mac, did you see him as he cam’ doon by Gorgie
Awa’ o’er the Lammerlaw and north o’ the Tay
Yon man is comin’ and the hale toon is turnin’ oot
We’re a’ sure he’ll win back tae Glesga the day
The jiners and hauders-on are marchin’ frae Clydebank
Come on noo and hear him he’ll be ower thrang tae bide
Turn oot Jock and Jimmy leave the crane and the muckle gantry
Great John MacLean has come hame tae the Clyde
Argyle Street and London Road’s the route that we’re marchin’
The lads frae the Broomielaw are here tae a man
Hey Neil whaur’s your hauderums, ye big Hielan’ teuchter
Get your pipes mate an’ march at the heid o’ the clan
Hello Pat Malone, I knew you’d be here, son
The red and the green, lad, will march side by side
The Gorbals is his the day and Glesga belangs tae him
Great John MacLean has come hame tae the Clyde
Ah weel when it’s ower I’ll awa’ back tae Springburn
Come hame for your tea, John, we’ll soon hae ye fed
It’s hard work the speakin’ and I’m sure you’ll be tired the nicht
I’ll sleep on the flair Mac an’ gie John the bed
The hale city’s quiet noo, it kens that he’s restin’
At hame wi’ his Glesga freends, their fame an’ their pride
The red will be worn, my lads, and Scotland will march again
Great John MacLean has come hame tae the Clyde